İspaniya kralı VI Filipp koronavirusa yoluxub. Bu barədə kral sarayının mətbuat xidməti məlumat yayıb.

Bildirilir ki, gecə yüngül simptomlar göründükdən sonra kral COVID-19 testi verib və cavab müsbət çıxıb.

“Səhiyyə orqanlarının müəyyən etdiyi qaydalara əsasən, Əlahəzrət Kral 7 gün təcriddə qalacaq. Onların bu müddət üçün nəzərdə tutulan rəsmi fəaliyyətləri bundan sonra dayandırılır”, - deyə məlumatda bildirilir.

Press-relizdə həmçinin VI Filippin ümumi sağlamlıq vəziyyətinin yaxşı olduğu və onun institusional fəaliyyətlərinə kral iqamətgahından dəstək veriləcəyi bildirilib.

Mənbə: Gazeta.ru