Gürcüstanda Dmanisi rayonunun Sameba kəndi yaxınlığında, Ermənistanla sərhəddə 3,9 bal gücündə zəlzələ baş verib.

İliya Universitetinin Seysmik Monitorinq Mərkəzinin məlumatına görə, bu, son 24 saat ərzində ölkənin cənubunda baş verən ikinci zəlzələdir.

Tələfat və dağıntılar barədə, hələ ki məlumat yoxdur.

Qeyd edək ki, fevralın 13-də Gürcüstanda Sameba kəndi yaxınlığında 6,2 bal gücündə zəlzələ baş verib. Yeraltı təkanlar o qədər güclü olub ki, Tbilisidə və ölkənin digər bölgələrində hiss olunub.

Təbiət hadisəsi nəticəsində ölən və ya xəsarət alan olmayıb.

Mənbə: TASS