Braziliya sakini 51 yaşında 21-ci övladını dünyaya gətirib. ANS PRESS-in məlumatına görə, hazırda ana və körpə özünü yaxşı hiss edirlər.

Yeni doğulmuş oğlan uşağının çəkisi 3 kq-dan bir az artıqdır və boyunun uzunluğu 46,5 santimetrdir.

Həkimlər bu yaşda doğuşun riskli olduğunu qadına xəbərdarlıq etsələr də, o uşağı doğmaqda israr edib. Ələxüsus da, artıq gənclik yaşıını çoxdan keçmiş bu xanım hamiləlik dövründə yüksək qan təzyiqindən ciddi əziyyət çəkib.

Bütün bunlara rəğmən hər şey qaydasında başa çatıb və onun oğlu sağ-salamat doğulub.

Qadının sözlərinə görə, ilk dəfə 13 yaşında ana olub və digər uşaqları bir-birinin ardınca dünyaya gəlib.