Rus hərbçilər xeyli silaha sahib olsalar da, Baxmut istiqamətində təşəbbüsü tamamilə itiriblər.

Axar.az xəbər verir ki, bunu Ukrayna Milli Qvardiyasının “Azadlıq” batalyonunun döyüşçüsü Vladimir Nazarenko deyib.

O bildirib ki, cəbhənin bu sektorunda Ukrayna ordusunun irəliləməsi olduqca çətindir:

“Düşmən təşəbbüsü tamamilə itirib. Təəssüf ki, ruslar zərbələr endirməyə, müəyyən istiqamətlərdə irəliləməyə cəhdə davam edir. Lakin ümumilikdə Ukrayna ordusu bir neçə istiqamətdə təşəbbüsü ələ alıb. Ukrayna ordusu hər şeyi edir ki, işğalçılar ya geri çəkilsin, ya da ön cəbhədə itkiləri əvəzləmək üçün əlavə ordu toplaya bilməsin”.