Çində qadın liftdə doğuş edərək, körpəni zibil qutusuna atıb.

Publika.az xəbər verir ki, bu barədə “Asia One” yazıb. Müşahidə kameralarının görüntülərində qadının çamadanla liftə necə girdiyi və bir neçə saniyədən sonra küncdə oturduğu görünür. Sonra o, qucağında körpə ilə ayağa qalxaraq, yerdəki qan izlərini bez ilə silib.

Çinli qadın lifdən çıxdıqdan sonra yeni doğulmuş uşağı zibil qutusuna atıb və körpəni gizlətmək üçün üstünə salfet qatı qoyub.

Uşağı yoldan keçənlər görüblər, həkimlərə və polisə müraciət ediblər. Körpə xəstəxanaya çatdırılıb, ona lazımi köməklik göstərilib. Sonradan qəyyumlara təhvil verilib.

Qadının əməlinə görə cavab verib-verməyəcəyi barədə məlumat verilmir. Amma sosial şəbəkə istifadəçiləri artıq ananı bu hərəkətinə görə qınayıblar.