“ADEX 2016” beynəlxalq müdafiə sərgisində Azərbaycan Müdafiə Sənayesi Nazirliyi yeni nəsil pilotsuz uçuş aparatlarını nümayiş etdirib.

AzVision.az xəbər verir ki, bunlar “Orbiter 3” və “Orbiter 4” pilotsuz uçuş aparatlarıdır.

Bu pilotsuz uçuş aparatları sırf kəşfiyyat xarakterlidir. Çox böyük hündürlükdə belə onları idarə etmək mümkündür.

“Orbiter 3” 6 saat, “Orbiter 4” isə 24 saat havada qalmaq imkanına malikdir. “Orbiter 4” pilotsuz uçuş aparatının bir qanadından digər qanadına qədər olan uzunluğu 5,4 m, çəkisi 50 kq, yük götürmə qabiliyyəti 12 kq, maksimal sürəti 70 kts-dir. Bu pilotsuz uçuş aparatı 150 km məsafəyə kimi gedib qayıda bilir.

Hər iki pilotsuz uçuş aparatları radara düşmür.