“Azərbaycanda əczaçılıq sənaye sahəsini inkişaf etdirmək istəyirik, çünki əsasən idxaldan asılıyıq”.

APA-nın məlumatına görə, bunu Azərbaycan prezidenti İlham Əliyev Pakistan baş naziri Məhəmməd Nəvaz Şəriflə danışıqlardan sonra mətbuata açıqlamasında bəyan edib.

Pakistan baş naziri ilə Azərbaycanda əczaçılıq sənayesi sahəsində birgə müəssisələrin yaradılması ilə bağlı məsələlərin müzakirə edildiyini deyən dövlət başçısı Pakistanın bu sahədə çox inkişaf etmiş ölkə olduğunu vurğulayıb.