Çinli bir qadın həkim tərəfindən səhvən sağlam dişi çıxarıldıqdan sonra ölüb.

Bu barədə SCMP qəzeti xəbər verir.

Qəzetin yazdığına görə, 34 yaşlı qadın şəhər xəstəxanasında ağıl dişini çıxarmaq üçün əməliyyat olunmalı idi.

Lakin stomatoloq qadının səhvən sağlam dişinı çıxarıb və sonra məftildən istifadə edərək onu zorla yerinə salıb.

Qadının qardaşı əməliyyatın saat yarım davam etdiyini və keyləşdirmə aparılmadığını deyir. Nəticədə xəstənin üzü şişib və o, zaman keçdikcə daha da güclənən dözülməz ağrılar hiss etməyə başlayıb.

Bundan sonra qadın xəstəxananın pəncərələrinin altında ölü halda tapılıb. İlkin məlumata görə, o, tibb müəssisəsinin damından yıxılıb. Hadisənin baş vermə şəraiti müəyyənləşdirilir.