Noyabrın 15-17-də MDB İcraiyyə Komitəsində Rusiya Federasiyası Hökuməti və Müstəqil Dövlətlər Birliyi arasında qurumun üzvü olan ölkələrin ərazisində mütəşəkkil cinayətkarlıq və digər təhlükəli cinayət növləri ilə mübarizənin əlaqələndirilməsi üzrə Büronun Rusiya Federasiyası ərazisində olması şərtləri barədə Sazişin razılaşdılması üzrə ekspert qrupunun iclası keçiriləcək.

Bu barədə Azərtac-a MDB qərargahının mətbuat xidmətindən məlumat verilib.

Bundan əlavə, ekspertlər MDB ölkələri Daxili İşlər Nazirləri Şurası haqqında Əsasnaməyə, habelə MDB üzvü olan ölkələrin ərazisində mütəşəkkil cinayətkarlıq və digər təhlükəli cinayət növləri ilə mübarizənin əlaqələndirilməsi üzrə Büronun Əsasnaməsinə əlavə və düzəlişlər edilməsi barədə qərar layihələrini müzakirə edəcəklər.