İcra məmurlarının təqdimatı ilə məhkəmələr alimenti ödəməyən şəxslərin ölkədən çıxmasını qadağan edən qərarlar verirlər. Ədliyyə Nazirliyindən fins.az-a verilən məlumata görə, bu ilin iyulun 1-dək 1 100 nəfərin ölkədən çıxışına qadağa qoyulub.

Lakin aliment öhdəliyini yerinə yetirməyən şəxslərin siyahısı açıqlanmır. Xatırladaq ki, Ailə Məcəlləsində və digər hüquqi aktlarda alimentin ödənilməsindən azad edən heç bir müddəa yoxdur. Bütün hallarda, hətta valideynlər xəstə olduqda, ölkədən kənarda yaşadıqda belə uşaqları saxlamağa borcludurlar. Ona görə də məhkəmələr aliment borcunu ödəmələri üçün onların barəsində sərt tədbirlərin görülməsinə qərar verirlər.