Rusiyanın informasiya agentliyinin İraqın Başika qəsəbəsində ələ keçirdiyi və İŞİD-ə aid olan rəsmi sənəd şok effekti yaradıb.
Publika.az xəbər verir ki, sənədə görə, İŞİD-in Başikadakı komandiri Əbu Müaviye terrorçulara yazılı təlimat paylayaraq ABŞ təyyarələrinə toxunmamağı əmr verib.
“Hansı yüksəklikdə olursa-olsun, təyyarələrə heç bir silahla atəş açılmayacaq. Təyyarələr evinizin üstündən ucsa belə”, - əmrdə deyilir.
Xatırladaq ki, “Əl-Cəzirə” kanalı bir müddət əvvəl İraqın Şengal bölgəsindəki İŞİD terrorçularının ABŞ-la əməkdaşlıq etdiyini xəbər verib. Kanalın 2015-ci ilin avqust ayında Şengalda çəkdiyi görüntülərdə Mosuldan Suriyanın Rakka şəhərinə gedən İŞİD kortejinin ABŞ təyyarələri tərəfindən mühafizə olunduğu iddia edilmişdi.
Daha sonra isə peşmərgə komandirləri bildirmişdi ki, İŞİD kortejlərinə atəş açmasına ABŞ mane olur.