Heç kim, hətta baş nazir Heydər Abadi belə Haşdi Şabi qruplaşmasını dağıda bilməz.

Axar.az xəbər verir ki, bu sözləri qruplaşmasının yüksək rütbəli nümayəndələrindən biri Əbu Mehdi deyib.

“Baş nazir imzalasa belə, bu baş tutmayacaq. Hətta tərkib daha da genişləndiriləcək. Haşdi Şabinin dağıdılması böyük cinayətdir. İran və Hizbullahın birbaşa yardımları olmasaydı, indiyə kimi uğur qazana bilməzdik”, - Mehdi bildirib.

Qeyd edək ki, Mosul əməliyyatından sonra sözügedən qruplaşmanın parçalanacağı ilə bağlı iddialar səsləndirilir.