RF Müdafiə Nazirliyinin tabeliyində olan nüvə silahının saxlanması, xidmət və tətbiq olunmasına hazırlıq üzrə 12-ci Baş İdarəsinin (QUMO) rəhbəri general Yuriy S. Qriqoreviç istefaya göndərilib. FaktXeber.com-un verdiyi məlumata görə, bu barədə «Kommersant» xəbər yayıb.

Mənbədən bildirilib ki, general öz istəyi ilə raport yazaraq, səbəb kimi səhhətindəki problemləri göstərib.

Bildirilir ki, Yuriy S. Qriqoreviç bu vəzifədə 7 il çalışıb və bu müddətdə onun işinə bir dəfə də olsun irad olmayıb, tabeliyində olan obyektlərdə isə heç vaxt ciddi insident baş verməyib. Ötən ilin fevral ayında prezident QUMO rəhbərini general-leytenant vəzifəsinə yüksəltmişdi.

Xatırladaq ki, RF prezidenti Vladimir Putin dünən DİN , FHN və Cəzaların İcrası Federal Xidmətin (FSİN) 8 generalını işdən qovub. FaktXeber.com-un verdiyi məumata görə, bu barədə uyğun fərman rəsmi internet portalında dərc olunub. Onların qovulma səbəbi barədə məlumat verilmir.

Qeyd edək ki, mayın əvvəlində Putin DİN, İstintaq Komitəsi, FHN və FSİN-dən 13 generalı qovmuşdu.