Braziliyanın Minas-Jerays ştatındakı bələdiyyəyə məxsus uşaq bağçasında baş vermiş yanğın zamanı 7-i uşaq olmaqla, 9 nəfər həlak olub.
"Report"un məlumatına görə, bu barədə "Globo" xəbər verib.
Qeyd olunur ki, hadisə nəticəsində yanğının baş verməsinin təqsirkarı – bağçanın tərbiyəçisi – 50 yaşlı Damian Soares dus Santos da həlak olub. Yanğın zamanı ölən azyaşlıların 4 yaşa qədər uşaqlar olduqları bildirilir.
Son məlumata görə, yanğın zamanı 41 nəfər xəsarət alaraq xəstəxanaya yerləşdirilib. Onların 37-i uşaqlardır.
Hadisənin səbəbləri hələlik dəqiqləşdirilməyib. Polis təhqiqat aparır.