Düz bir ay sonra eyni ünvanda... eyni oğurluq... - Azərbaycanda

27-01-2018, 14:26           
Düz bir ay sonra eyni ünvanda... eyni oğurluq... - Azərbaycanda
Ötən il dekabrın 26-da Cəlilabad şəhəri ərazisindəki mağazalardan birindən oğurluq edilməsi barədə Rayon Polis Şöbəsinə məlumat daxil olub. Bu barədə DİA.AZ-a Daxili İşlər Nazirliyindən verilən məlumatda deyilir.

Polis əməkdaşları tərəfindən hadisə yerində müvafiq zəruri tədbirlər keçirilib. Araşdırmalarla həmin mağazadan ümumilikdə 20 ədəd mobil telefon, 2 ədəd kompyuter monitoru, 4 ətçəkən maşın və 1 istilik radiatoru oğurlandığı məlum olub.

Faktla bağlı cinayət işi başlanılıb.

Həyata keçirilən əməliyyat tədbirləri nəticəsində yanvarın 26-na keçən gecə həmin mağazadan təkrar oğurluq edən şəxslər polis əməkdaşları tərəfindən elə cinayət başında yaxalanıblar.

Oğurladıqları mallarla birgə saxlanılaraq Polis Şöbəsinə gətirilən həmin şəxslərin Günəşli kənd sakinləri Raul Quliyev, İsmayıl Quliyev və Murad Əhmədov olduqları məlum olub. Dörd ədəd ətçəkən maşın, 1 şirəçəkən, 1 DVD, 3 mobil telefon, 1 ədəd televizor, 3 fotoaparat, 1 kompyuter monitoru maddi sübut kimi onlardan götürülüb.

Saxlanılan şəxslər götürülmüş maddi sübutlarla birgə istintaqa təhvil veriliblər.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.