Müdafiə Nazirlıiyinin açıqlamasında bildirilir ki, “31 martda gecə 3 nəfər mülki şəxs döyüş sursatlarının olduğu güman edilən N saylı hərbi hissənin ərazisinə daxil olub”.

Onlardan ikisi mühafizəçilərin əmrinə tabe olaraq saxlanılıb.

Üçüncü şəxs isə hətta xəbərdarlıq atəşinə baxmayaraq qaçmaqda davam edib.

Nəticədə Abşeron rayonunun “Xaşaxuna bağları” adlanan ərazisində yaşayan Şahverdiyev Zəfər Çıraq oğlu güllələnib və xəstəxanada keçinib. (сontact.az).

Məlumatı dəqiqləşdirmək üçün dəfələrlə Müdafiə Nazirliyinin mətbuat xidməti ilə əlaqə saxlamağa cəhd elədik. Ancaq nəticə olmadı.

Onda biz Şahverdiyevlər ailəsi ilə əlaqə saxlamaq qərarına gəldik. Və bu məqsədlə telefon məlumat kitabçasından Xaşaxuna qəsəbə sakini Zəfər Şahverdiyevin telefonunu öyrənərək əlaqə saxladıq.

Ailə üzvləri bizə bildirdi ki, Zəfər Şahverdiyev ölməyib və sağ-salamatdır.