Braziliyanın San-Paulu ştatının Kampinas şəhərinin beynəlxalq hava limanında naməlum şəxslər baqaj bölməsindən 5 milyon dollar oğurlayıb.

Trend-in məlumatına görə, oğurlanmış pullar “Lufthansa” aviaşirkətinin təyyarəsi ilə İsveçrənin Tsürix şəhərinə göndərilməli idi.

Polis hadisə ilə bağlı araşdırmalara başlayıb. Hələlik qarətçilərdən heç biri saxlanılmayıb.

Yerli KİV-lərin məlumatına əsasən, onlar aeroport binasında cəmi bir neçə dəqiqə ərzində olublar.