Göygoldə yol qəzası baş verib, 5 nəfər xəsarət alıb
25-06-2018, 01:48
Gəncə-Şəmkir avtomagistralında zəncirvari yol qəzası baş verib.
APA-nın qərb bürosunun verdiyi məlumata görə, hadisə yolun Göygöl rayonunun Quşqara kəndi ərazisindən keçən hissəsində qeydə alınıb.
"Mercedes", "VAZ 2107" minik avtomobilləri və qoşqulu traktorun toqquşması nəticəsində 5 nəfər xəsarət alaraq xəstəxanaya yerləşdirilib.
Faktla bağlı araşdırma aparılır.
***
Göygöldə baş verən zəncirvari qəzada xəsarət alanlardan 3 nəfərin kimliyi məlum olub.
APA-nın qərb bürosunun məlumatına görə, bunlar Ağstafa rayon sakinləri 1950-ci il təvəllüdlü Xəlilova Mahirə Əbdülrəhman qızı, 1986-cı il təvəllüdlü Xəlilova Günay Əbülfəz qızı və Şəmkir rayon sakini 1960-cı il təvəllüdlü İbrahimov Kərim İbrahim oğludur.
Yaralılar Gəncə şəhər Təcili Tibbi Yardım xəstəxanasına yerləşdiriliblər.
