Çinin Siçuan əyalətində bir nəfər yenidən koronavirus xəstəliyinə yoluxub.

APA xəbər verir ki, bu barədə məlumatı “People Daily” qəzeti yayıb.

Nəşrin məlumatına görə, sözügedən xəstə yanvarın əvvəlində xəstəxanadan evə buraxılıb. O, evdə karantində olub və heç yerə getməyib. Ancaq 10 gündən sonra yenidən virusun aşkarlanması üçün test sınağından keçib və nəticə müsbət olub.

Bundan sonra xəstə və onun ailəsi müvafiq strukturlar tərəfindən xəstəxanaya götürülüb, evlərində isə dezinfeksiya işləri aparılıb.

31 dekabr 2019-cu ildə Çin hakimiyyəti Uxanda vətəndaşların koronavirus xəstəliyinə yoluxduğunu elan edib. Xəstəliyin törədicisi “Covid-2019” rəsmi adı verilən yeni növ koronavirusdur.