İranda rixter cədvəli üzrə 5,9 bal gücündə zəlzələ baş verib.

Publika.az xəbər verir ki, bu barədə “İrna” agentliyi məlumat yayıb. Açıqlamaya görə, yeraltı təkanlar yerli vaxtla 8:53-də qeydə alınıb. Zəlzələnin episentri Qərbi Azərbaycan vilayətində yerləşib.

Məlumata görə, Türkiyə ilə sərhədə yaxın bölgədə baş verən zəlzələ Van və Hakkari vilayətlərində də hiss edilib. Hələlik dağıntı və tələfat barədə məlumat yoxdur. Zəlzələ bölgəsində xilasedicilər cəlb edilib.