Rusiyanın İrkutsk vilayətində hüquq-mühafizə orqanlarının əməkdaşları yerli kənd təsərrüfatı müəssisənə baş çəkiblər.

“MK.ru” xəbər verir ki, orada işləyən məmurlardan biri kəsilmiş ağac ixracına icazə əvəzində rüşvət almaqda şübhəli bilinib.

Müəssisənin idarəsində keçirilən axtarış zamanı məmur onun cinayətini sübuta yetirən sənədi udmağa çalışıb.

Lakin rüşvətxor məmurun planı alt-üst olub, çünki o boğulmağa başlayıb.

Onun köməyinə hüquq-mühafizə orqanlarının əməkdaşı gəlib.

O, məmurun belinə vuraraq boğulmaqdan xilas edib.

Qeyd etmək lazımdır ki, həmin sənəddə müəssisənin qara mühasibatı haqda məlumatlar olub.

Hal-hazırda rüşvətxor məmur həbs edilib.