91 saylı Ucar seçki dairəsindən deputat seçilər Ramil Həsən sosial şəbəkələrdə tənqid hədəfinə çevrilib.

Bizimxeber.az xəbər verir ki, Ramil Həsənin tənqid atəşinə tutulması aprelin 13-də “Facebook” səhifəsində yazdığı statusla bağlıdır.

Deputatın yazısında xeyli sayda orfoqrafik səhvin olması sosial şəbəkə istifadəçilərinin diqqətindən yayınmayıb. Şəbəkə istifadəçiləri bəzi sözlərin düzgün yazılmadığını mexaniki səhv yox, savadsızlıq kimi dəyərləndiriblər.

Məlumat üçün deyək ki, Ramil Həsən 2014-cü ilin sentyabrından 2018-ci ilin sentyabrına qədər Türk Şurasının (Türkdilli Dövlətlərin Əmakdaşlıq Şurası) Baş katibi, Beynəlxalq Diplomatik Missiyanın rəhbəri olub.