“Sabah meydana gedəcəm və bu biabırçı konsertin baş tutmaması üçün əlimdən gələni edəcəyəm”.

KONKRET.az erməni portallarına istinadən xəbər verir ki, bu sözləri Qarabağda öldürülmüş İşxan Petrosyanın qızı Marqarita Petrosyan bildirib.

Qeyd edək ki, bu gün İrəvanda müharibədə həlak olan əsgərlərin ailələri üçün konsert nəzərdə tutulub. Tədbirin Beynəlxalq Uşaq Günü münasibətilə Respublika Meydanında keçiriləcəyi planlaşdırılır. Marqarita Petrosyan vətəndaşları konsertə qoşulmamağa və tədbiri ləğv etməyə çağırıb:

“Sabah meydana gedəcəm, bu rüsvayçı konsertin baş tutmaması üçün əlimdən gələni edəcəyəm. Kimsə mənə “Bəs uşaqların günahı nədir?”, – deyə soruşarsa, ona “Oğlanlarımızın günahı nə idi?” cavabımı verəcəm”.