Gürcüstan Azərbaycanla quru sərhədlərini açıb
1-06-2021, 06:53
Gürcüstan koronavirus pandemiyası ilə əlaqədar ötən ilin mart ayından turistlər üçün bağlı olan quru sərhədlərini Azərbaycan üçün açıb.
Trend-in "İnterfaks"a istinadən verdiyi məlumata görə, Gürcüstan quru sərhədlərini həmçinin Rusiya, Türkiyə və Ermənistanla da açıb.
Gürcüstanın Pandemiya ilə Mübarizə üzrə İdarələrarası Koordinasiya Şurasının qərarına əsasən, ölkənin quru sərhədlərini tam peyvənd sertifikatı və PCR testinin mənfi nəticəsini təsdiqləyən arayışı olan şəxslər və ya son 72 saat ərzində aparılan PCR testinin mənfi nəticəsini təsdiqləyən arayışı olan şəxslər keçə beləcək.
Ölkəyə gələn şəxslər 3 gündən sonra öz hesablarına bir daha testdən keçməli olacaqlar.
Eyni zamanda, bütün ziyarətçilərə tibbi sığortalarının olması tövsiyə olunur.
