Rusiyanın xarici işlər naziri Sergey Lavrov BMT-nin humanitar yardım üzrə koordinatoru Martin Qriffitslə görüşəcək.

APA-nın Moskva müxbirinin xəbərinə görə, bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi ənənəvi brifinqdə bildirib.

M. Zaxarova Rusiya XİN rəhbərinin BMT rəsmisi ilə oktyabrın 22-də görüşəcəyini qeyd edib.

O vurğulayıb ki, danışıqlar zamanı dünyanın bir sıra regionlarında, o cümlədən Qarabağdakı humanitar vəziyyət müzakirə ediləcək.