“Pfizer”in rəhbəri koronavirusa yoluxdu
Amerikanın "Pfizer" əczaçılıq korporasiyasının baş icraçı direktoru, dörd dəfə koronavirusa qarşı peyvənd olunan Albert Burla koronavirusa yoluxub.

“Qafqazinfo” xəbər verir ki, o, bu barədə tviterdə yazıb.

“Sizə məlumat vermək istərdim ki, koronavirus üçün verdiyim test müsbət çıxıb. Pfizer-BioNTech peyvəndinin dörd dozasını qəbul etdiyim üçün özümü yaxşı hiss edirəm, çox yüngül simptomlarım var”.

O, özünü təcrid etdiyini və "Paxlovid" dərmanını qəbul etməyə başladığını bildirib.