Finlandiyaya gedən rusiyalı miqrantlar 30 illik rekordu yenilədilər
25-05-2023, 11:48
Rusiya vətəndaşları 30 illik rekordu yeniləyərək 2022-ci ildə Finlandiyadakı ən böyük miqrant qrup olublar.
Bu barədə Finlandiyanın statistika idarəsinin yaydığı hesabatda bildirilir.
Belə ki, 2022-ci ildə ölkəyə 6 003 rusiyalı köçüb.
1995-2021-ci illərdə Rusiyadan gələn mühacirlərin illik sayı 3 100 nəfəri keçməyib.
Digər böyük miqrant qrupları İsveç (2 599), Hindistan (2 420), Estoniya (2 387), Filippin (2 251), Ukrayna (1 533) və Türkiyə (1 503) vətəndaşları olublar. 2022-ci ildə Finlandiyaya ümumilikdə 49 998 nəfər köçüb.
