Keşmiş Qarabağ separatçısı Samvel Babayanın komandasında çatlar yaranıb. Onun Ermənistandakı fəaliyyəti ilə bağlı parlament fraksiyasında müxtəlif fikirlər var.

Yenisabah.az “Hraparak”a xəbər verir ki, bu barədə məlumat yayıb.

2 gün əvvəl separatçı rejim “milli məclis”inin qapalı iclasında Babayanın “Vahid Vətən” “fraksiyası”nın deputatı Qohar Sarkisyan qrupdan çıxmaq barədə qərar qəbul edib. Bundan başqa, “parlament sədri” vəzifəsini icra edən və S. Babayanın “partiyası”ndan olan Qaqik Baqunts da artıq yaxasını qırağa çəkib.

Separatçı “parlament”in iclas sessiyası gizli saxlanılıb. Bu, “Artsax” nümayəndələrinin Ermənistana gəlməsindən sonra ikinci sessiyasıdır. Ola bilsin ki, “deputatlar” Ermənistan hakimiyyətinin təzyiqinə təslim olublar. Çünki hakimiyyət rəsmiləri dəfələrlə öz çıxışlarında bəyan ediblər ki, Xankəndidən gələn “siyasilər” Ermənistanın təhlükəsizliyinə zərbə vururlar.