Seul polisinin rəisi Kim Kvanq-ho Hellouin bayramı şənlikləri zamanı 158 nəfərin ölümü ilə bağlı işdə peşəkar səhlənkarlıqda ittiham olunur.

"DogruXeber.az" “The Guardian”a istinadən yazır ki , ittiham tərəfinin fikrincə , polis rəisi bayram edənlərin çoxluğu səbəbindən riskləri qabaqcadan görə bilsə də, insanların təhlükəsizliyini təmin etmək üçün lazımi tədbirlər görməyib və xidmətə əlavə qüvvələr cəlb etməyib.

Yonhap agentliyi qeyd edir ki, əvvəllər Yonsan-qu dairəsinin polis idarəsinin rəhbərliyinə və yerli məmurlara qarşı ittihamlar irəli sürülüb və polis rəisinin taleyi şübhə altında qalıb.

2022-ci ilin oktyabrında Seulda Halloween qeyd etmələri zamanı Covid məhdudiyyətləri götürüldükdən sonra ilk dəfə izdiham baş verdi: insanlar barlar arasında dar bir küçədə sıxışdılar. Ruslar da daxil olmaqla 160-a yaxın adam öldü.