Qəzza zolağında keçirilən əməliyyat zamanı İsrail Müdafiə Qüvvələri indiyədək Fələstinin HAMAS radikal hərəkatının yeraltı tunellərinin yalnız 40%-dən çoxunu məhv edə bilib.

Bu barədə Amerikanın “The Wall Street Journal” qəzeti məlumat yayıb.

O, ABŞ hökumətindəki mənbələrə istinadən qeyd edir ki, dağıntıların dəqiq həcmini qiymətləndirmək çətindir, çünki heç kim sektorda neçə tunelin çəkildiyini tam əminliklə deyə bilməz. Bununla belə, ABŞ və İsrailin məlumatına görə, yeraltı dəhlizlərin 20-40%-i “zədələnmiş və ya yararsız hala salınmışdır”. Qəzetin mənbələri qeyd edirlər ki, bu nəticə “gözləniləndən aşağıdır”.

Tunellərin su basması prosesini bir neçə amil çətinləşdirir. Divarlar və "digər gözlənilməz maneələr və müdafiələr su axınını yavaşladır və ya tamamilə dayandırır". Bundan əlavə, İsrail ordusunda adekvat kadrlar yoxdur və mövcud olanlar tunellərin içərisində girovların axtarışında deyil, dağıdılmasında ixtisaslaşmışdır. Yaraqlıları öldürmək və girovları xilas etmək arasında tarazlığı saxlamaq da çətin məsələdir, çünki onların hamısı eyni tunel sistemində yerləşir.
Mənbə: apa.az