Twitter-in keçmiş rəhbərləri işdən çıxma təzminatını ödəmədikləri üçün İlon Maska qarşı ümumilikdə 130 milyon dollarlıq iddia qaldırıblar.

TEREF Hürriyet-ə istinadən xəbər verir ki,İlon Maskın satın alınmasından sonra adı X olaraq dəyişdirilən Twitter-in keçmiş yüksək səviyyəli rəhbərləri məşhur milyarderə qarşı məhkəmə iddiası qaldırıblar. Rəhbərlər iddia edirlər ki, Mask onlara 130 milyon dollar işdən çıxma təzminatı ödəməyib. Kaliforniya federal məhkəməsində açılan iddiada keçmiş rəhbərlər, “Musk haqqını ödəmir. O, qaydaların ona aid olmadığına inanır və səlahiyyətindən onunla razılaşmayan hər kəsə qarşı kobudluq etmək üçün istifadə edir”, – deyib.