Beril qasırğasının Karib dənizinin cənub-şərqinə yaxınlaşdıqca 4-cü kateqoriyaya yüksələcəyi proqnozlaşdırılır.

Qasırğa xəbərdarlığı Barbados, Sent-Lüsiya, Qrenada, Sent Vinsent və Qrenadinlər üçün qüvvədədir.

Barbados Hava Xidmətinin direktoru Sabu Best bildirib ki, Beril qasırğasının mərkəzinin bazar ertəsi səhər tezdən Barbadosdan təxminən 70 mil (112 kilometr) cənubdan keçəcəyi gözlənilir. Daha sonra qasırğanın Yamaykaya doğru hərəkət edəcəyi proqnozlaşdırılır. Qasırğa həftənin ortasına qədər zəifləməli və Meksikaya doğru hərəkət etməlidir.

Mayamidə yerləşən Milli Qasırğa Mərkəzi qasırğanın "həyat üçün təhlükəli küləklər və tufan dalğaları" gətirəcəyini vurğulayır. Sinoptiklər Berilin quruya düşəcəyi ərazilərdə fırtına dalğasının 9 fut (3 metr) qədər olacağı barədə xəbərdarlıq ediblər.

“Bundan əlavə, Barbados və qonşu adalarda 15 santimetrə qədər yağıntı gözlənilir. Bazar günü səhər Beril 3-cü Kateqoriya qasırğasına qədər güclənibi və iyun ayında Kiçik Antil adalarının şərqində qeydə alınan ilk böyük qasırğa olub”, Kolorado Dövlət Universitetinin meteoroloqu Filip Klotzbax deyib.

Beril regionda ilin bu vaxtı üçün son dərəcə təhlükəli və nadir qasırğadır. Bunun Atlantik qasırğa mövsümünün intensivliyi üzrə orta səviyyədən yuxarı olacağı proqnozlaşdırılır; Qasırğa mövsümü iyunun 1-dən noyabrın 30-dək davam edir. Bu ayın əvvəlində "Alberto" tropik qasırğası Meksikanın şimal-şərqini vurub. Leysan yağışları dörd nəfərin ölümünə səbəb olub.