Ukrayna ordusunun hücümu nəticəsində Rusiya AES-də yanğın baş verib

12-08-2024, 11:19           
Ukrayna ordusunun hücümu nəticəsində Rusiya AES-də yanğın baş verib
Ukrayna Silahlı Qüvvələrinin (USQ) Rusiyanın Enerqodar şəhərini atəşə tutması nəticəsində Zaporojye Atom Elektrik Stansiyasının (AES) soyutma sistemləri qurğusunda yanğın baş verib.
Bu barədə Zaporojye vilayətinin qubernatoru Yevgeni Balitski məlumat verib.

"Hazırda stansiyanın bütün altı enerji bloku dayanıb, buxar partlayışı və ya digər təhlükə yoxdur. Atom elektrik stansiyası və Enerqodar şəhəri ətrafında radiasiya fonu normaldır", - o bildirib.

Balitski onu da əlavə edib ki, vəziyyət hakimiyyət orqanlarının nəzarətindədir, Fövqəladə Hallar Nazirliyinin əməkdaşları hadisə yerində işləyirlər, yanğın lokallaşdırılır.

AES-in "Telegram" kanalında verilən məlumata görə, yanğın stansiyanın fəaliyyətinə təsir göstərməyib.

Rusiyanın İctimai Palatasının suverenlik, vətənpərvərlik layihələri və veteranlara dəstək məsələləri üzrə komissiyasının sədri Vladimir Roqovun "Telegram" kanalında verdiyi məlumata görə, AES-i vuran kamikadze tipli PUA Dnepropetrovsk vilayətinin Kiyevin nəzarətində olan Nikopol şəhərindən buraxılıb.

Xatırladaq ki, Zaporojye AES-ə sonuncu hücum avqustun 9-da qeydə alınıb. USQ-nin hücumu nəticəsində şəhər qismən işıqsız qalıb.













Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru