Dövlət Duması döyüş bölgəsindəki hərbçilərin borclarının silinməsi haqqında qanun qəbul edib.
Rusiyanın Dövlət Duması Ukraynada keçirilən xüsusi hərbi əməliyyat iştirakçılarının və onların həyat yoldaşlarının ödənilməmiş kredit borclarının silinməsi ilə bağlı qanunu qəbul edib.

TASS xəbər verir ki, borcun məbləği 10 milyon rubldan çox olmamalıdır.

Qəbul edilən sənədə əsasən, borclar aşağıdakı şəxslərin ödənilməmiş kreditlərindən silinəcək: səfərbərliklə hərbi xidmətə çağırılmış Rusiya vətəndaşları, hərbi çağırışla xidmət edənlər (hərbi məktəblərin və ali təhsil müəssisələrinin kursantları istisna olmaqla) və ya 2024-cü il dekabrın 1-dən etibarən Müdafiə Nazirliyi ilə minimum bir illik müqavilə bağlayan hərbçilər, həmçinin onların həyat yoldaşları.