Perunun Lima şəhərindəki "Santa Isabel" klinikasında qadın bədəninin xaricində mayalanan ilk uşaq dünyaya gəlib.
Bu barədə "Business Wire" ABŞ-ın "Gameto" biotexnoloji şirkətinə istinadən məlumat yayıb.

Yumurtanın mayalanması "Fertilo" üsulu ilə baş verib. Bu texnologiya ekstrakorporal mayalanmanın (EKM) bir versiyasıdır. Bu üsul laboratoriyada kök hüceyrələrdən alınan yumurtalıqların dəstəkləyici hüceyrələrindən istifadə edərək yumurtanın yetişmə prosesini qadın orqanizmindən kənarda həyata keçirməyə imkan verir. Yeni texnologiyadan istifadə edilməsi ilə ilk uşağın doğulması, həkimlərin fikrincə, reproduktiv sağlamlıq elmində dönüş nöqtəsidir.

"Gameto"da bildirilir ki, "Fertilo" proseduru qadınların EKM prosedurundan 10-14 gün əvvəl yaşadıqları yumurtaların yetişməsi üçün hormonal stimullaşdırmadan qaçınmağa imkan verir. Bu texnologiya hazırda ABŞ-də klinik sınaqdan keçirilir. Onun artıq Peru, Avstraliya, Paraqvay, Argentina, Meksika və Yaponiyada istifadəsinə icazə verilib.