Hazırda həbsdə olan sabiq millət vəkili Nazim Bəydəmirli 13 Saylı Cəzaçəkmə Müəssisəsinə köçürülüb.

Bu barədə Gununsesi.info-ya sabiq deputatın xanımı Fəridə Bəydəmirli deyib.

“Bu gün Nazimi ziyarətə getmişdim,bütün qohumlara,dostlara salam söylədi.

Keçən cümə günü Nazimin zəng günü idi,telefon etmədiyi üçün narahat oldum və qaldıgı Kürdəxan təcridxanasına zəng etdim.

Mənə dedilər hər şey yaxşıdır,narahat olmayın.

Üstündən 3 saat keçəndən sonra Nazim zəng vurub dedi ki,məni 13 sayılı cəzaçəkmə müəssisəsinə köçürüblər,harada yerləşdiyini bilmirəm,tək bildiyim uzun yol gəldiyimdir.

Bu gün nəhayət Qaradag rayonunda yerləşən 13 sayılı cəzaçəkmə müəssisəsinə Nazimi ziyarətə getdim.Karantində olduguna baxmayaraq sag olsunlar ərzaq və görüşə icazə verdilər.

Şəraitinin olduqca bərbat olmagı bir yana,Nazim hal-hazırda ən qəddar cinayətkarlarla(20.25 il azadlıqdan məhrum olunmuş) iyrimi məhkumla bir otaqda qalır.

Keçən ildənbu günə qədər Nazimin səhətində yaranmış xəstəlikləri müalicə etmək üçün heçbir ciddi addım atılmayıb və ürəyində yaranmış problem öz ciddiliyini qoruyur.

Nazimi ən agır şəraitdə saxlamaq onu ölümə tərk etməkdir”.

Fəridə Bəydəmirli media vasitəsilə

Penitensiar Xidmətin rəisi Mirsaleh Seyidova müraciət edib:

Nazim Bəydəmirlinin səhhətindəki problemlərii və yaşadıgım ünvandan cəzaçəkmə müəssisəsinin 40 km.uzaq olmagını nəzərə almagınızı və çox gec olmadan həyat yoldaşımın başqa cəzaçəkmə müəssisəsinə köçrülməsinə göstəriş verməyinizi xahiş edirəm.

Ümid edirəm müraciətim tez bir zamanda ünvanına çatacaq”.

Gununsesi.info xatırladır ki, 13 Saylı Cəzaçəkmə Müəssisəsi Azərbaycanda ən pis şəraiti olan müəssisələrdən biri kimi tanınır.

Bir sıra tanınmış siyasi məhbuslar həmin müəssisədə saxlanılıb.