Son beş ildə İrəvandan Bakıya və əks istiqamətdə 66 reys həyata keçirilib.

Bu barədə “Sputnik Ermənistan”a Ermənistanın Ərazi İdarəetmə və İnfrastruktur Nazirliyindən məlumat verilib.

Belə ki, 2024-cü il dekabrın 11-də İrəvandan Bakıya beynəlxalq şirkətin sifarişi ilə çarter reysinin həyata keçirildiyi məlum olub. Departamentdən yazılı sorğuya cavab olaraq, bu uçuşun ilk olmadığını izah ediblər.

“Son beş il ərzində, 2020-ci ildən başlayaraq beynəlxalq nümayəndə heyətlərinin daşınması üçün İrəvandan Bakıya və geriyə 66 dövlət reysi yerinə yetirilib”, - deyə nazirlikdən bildirilib.

Eyni zamanda, İrəvan-Bakı-İrəvan marşrutu üzrə avialaynerlər iki trayektoriya üzrə uçur.///publika.az