Həkimlərin fikrincə, temperaturu 60 dərəcədən çox olmayan içkilər və yeməklər istifadə olunmalıdır. Tibb elmləri namizədi Yuri Qaborets isti çayın insan sağlamlığına çox pis təsir etdiyini və ağır nəticələrə səbəb ola biləcəyini qeyd edib.“Çünki ağız boşluğunun epiteli yüksək temperatura dözə bilir, qida borusunun epiteli isə isti şeylər üçün nəzərdə tutulmayıb və orada ağrı reseptorları yoxdur. Ona görə də isti yeməkləri sevən insanlarda qida borusu xərçəngi yarana bilər”, - deyə həkim xəbərdarlıq edib.Həkim izah edir ki, isti yemək əvvəlcə ağızın selikli qişasını, sonra yemək borusunu yandırır və sonda mədənin fəaliyyətinə mənfi təsir göstərir. Bir dəfə isti yemək qəbulu heç bir ciddi ziyana səbəb olmaya bilər, lakin bu, daimi vərdişdirsə, problemlərə yol açır.Buna görə də, həkimlərin fikrincə, temperaturu 60 dərəcədən çox olmayan, daha yaxşı - 40 ilə 50 dərəcə arasında olan yemək və içkilər istehlak etməlisiniz.