ABŞ Müdafiə Nazirliyi bəyan edib ki, onlar Şimali Koreya qoşunlarının Kursk vilayətində Ukrayna Silahlı Qüvvələrinə qarşı döyüşlərdə iştirakında ciddi effektivlik görmürlər. Şimali Koreya qüvvələri əhəmiyyətli itkilər verir.

Gununsesi.info-nun xəbərinə görə, bu barədə ABŞ Müdafiə Nazirliyinin mətbuat katibinin müavini Sabrina Sinq dekabrın 30-da keçirdiyi brifinqdə bildirib.

O qeyd edib ki, Pentaqon Bayden administrasiyasının bu yaxınlarda Kursk bölgəsində döyüşlər zamanı Şimali Koreya əsgərləri arasında itkilərin sayı ilə bağlı elan etdiyi qiymətləndirmə ilə razıdır: “Ağ Ev bu yaxınlarda Kursk bölgəsində 1000-ə yaxın Şimali Koreya əsgərinin öldürüldüyünü və yaralandığını açıqladı. ”

S.Sinq onu da əlavə edib ki, Şimali Koreya qüvvələrinin bölgədəki hücumları “əhəmiyyətli dərəcədə effektiv olduğunu sübut etməyib”.

Sinqin sözlərinə görə, Şimali Koreya qoşunları Kursk bölgəsində xeyli itki verir.