Fransanın təhlükəsizlik mənbəsi bildirib ki, bazar ertəsi günü Fransanın cənubundakı liman şəhəri Marseldə yerləşən Rusiya konsulluğunun hasarına İki partlayıcı atılıb, onlardan biri partlayıb.

Partlayıcıların hasarı aşırıb-aşırmadığı dərhal məlum olmayıb. BFM TV bildirib ki, partlayıcılar Molotov kokteylləri olub və konsulluğun həyətinə düşüb.

TASS dövlət xəbər agentliyinin verdiyi xəbərə görə, Rusiya Fransadan tam araşdırma tələb edib və hadisənin terror aktına bənzədiyini bildirib.

Təhlükəsizlik mənbəsinin verdiyi məlumata görə, xəsarət alan olmayıb. Konsulluq işçiləri bina daxilində saxlanılıb və polis konsulluğun ətrafında təhlükəsizlik perimetri qurub.

Fransanın cənubundakı bu hadisə Rusiya-Ukrayna müharibəsinin üçüncü ildönümündə baş verib.

“Rusiyanın Marseldəki Baş Konsulluğunun ərazisində törədilən partlayışlar terror aktının bütün əlamətlərinə malikdir”, TASS Rusiya Xarici İşlər Nazirliyinin sözçüsü Mariya Zaxarovadan sitat gətirib.