Sosial şəbəkə X-də qlobal nasazlıqlar yaşanır

Sosial şəbəkə X-in istifadəçiləri dünya üzrə genişmiqyaslı nasazlıqlarla qarşılaşıblar.

32gun.az bildirir ki, bu barədə Downdetector portalı məlumat yayıb.

Məlumata görə, problemlər saat 21:30-da başlayıb. Ən çox şikayət (təxminən 42 min) ABŞ-dan daxil olub. Bundan əlavə, Böyük Britaniya, Kanada, Fransa, Almaniya, Braziliya, Meksika və digər ölkələrdən də istifadəçilər çətinliklə üzləşiblər.

İstifadəçilər əsasən tətbiqin və veb-saytın işləməməsi, eləcə də serverə qoşulma problemlərindən şikayətləniblər.

Xatırladaq ki, martın 10-da sosial şəbəkənin sahibi Elon Mask X-in böyükmiqyaslı kiberhücuma məruz qaldığını bildirmişdi. Onun sözlərinə görə, bu hücumda bir qrup cinayətkar və ya hətta bütöv bir dövlət iştirak edə bilər.