Dünyanın “liboş” mediası, onlara “sitayiş” edən və özlərini ictimai fikir “liderləri” sayanlar yenə ciddi mövzuları mırta çevirməklə məşğuldurlar. Çünki, arqumentli diskurs, onların qaldıra biləcəyi yük deyil. 24 saatdır ki, “liboş” media karikaturalarla, mırtla Trampın pinqvinlər yaşadığı kişik adalara belə tarif tədbiq etdiyini “tənqid” atəşinə tutublar.
Trampın tarif qərarlarının 100 tənqidi məqamı var, amma bunun üçün bilik-bacarıq, emosiyasız yanaşma lazımdır. “Pinqvinli adalar” mövzusunu önə çıxardanlar ya savadsızdırlar, ya da qərəzli – rusum hüquqi məsələdir, hansısa ölkənin yurisdiksiyasında olan torpaqlarda istənilən şirkəti qeydiyyatdan keçirib ABŞ tariflərindən yan keçmək mümkün ola bilərdi. Yəni, şirkət üçün hüquqi ünvan lazımdır, istehsalının həmin ünvanda fiziki olaraq mövcud olmasına ehtiyac yoxdur.
Məsələ bu qədər bəsitdir, sadəcə “liboşizm” zərərli “ideologiya” olduğu üçün ciddi mövzuları trollamaqla ayaqda qalmağa çalışır. Bunun ən böyük örnəyini “pandemiya” zamanı gördük – insanlıq əlehinə kütləvi cinayət hadisəsi olan “pandemiyanın” idarə edilməsi addımlarına qarşı, belə ciddi mövzuda istənilən əks fikir söyləyən kimi həmin tayfa üzə çıxır, hər şeyi mırta, zarafata çevirir, adamı “komploçu” çıxardıb aşağılayırdılar.
Çünki, ciddi mövzu və diskurs o tayfanın ən zəif nöqtəsi, “Axilles dabanıdır”...
Natiq Cəfərli
TEREF