Alimlər aşkar ediblər ki, insanlar kəsilən əzalarının yerinə yenisini yetişdirmək üçün lazım olan maddələrə malikdirlər. Elm adamları bədənin müxtəlif hissələrini bərpa etməklə tanınan qeyri-adi amfibiyaları tədqiq etdikdən sonra bu qənaətə gəliblər.

Oxu.Az xəbər verir ki, tədqiqat "Nature Communications" jurnalında dərc edilib.

Bildirilir ki, ki, itirilmiş ətrafların bərpasında retinoik turşusu və CYP26B1 fermenti fəal iştirak edir. Alimlər hesab edirlər ki, bu tapıntıya əsaslanan yeni texnologiyalar insanlara əzalarını bərpa etməyə kömək edə bilər. Belə ki, retinoik turşusu və CYP26B1 adlı ferment insanlarda da mövcuddur.

Odur ki, insanlar da əzalarını yenidən böyüdə bilər, ancaq bu prosesi daha ətraflı anlamaq lazımdır. Əks halda skelet anomaliyaları kimi qüsurlar yarana bilər.