Qırmızı mərci həm qidalandırıcı, həm də müalicəvi xüsusiyyətləri ilə zəngin olan bir paxlalı bitkidir. O, zülal, lif, dəmir, fol turşusu, kalium və B vitaminləri baxımından olduqca zəngindir və müxtəlif sağlamlıq problemlərinin qarşısını almaqda köməkçi rol oynayır.Foodinfo.az qırmızı mərcinin faydalarını təqdim edir:
- Qırmızı mərci dəmir və fol turşusu ilə zəngindir, bu da xüsusilə anemiyası (qanazlığı) olan şəxslər üçün əhəmiyyətlidir. Dəmirin daha yaxşı sorulması üçün C vitamini ilə birlikdə qəbul edilməsi tövsiyə olunur.
- Tərkibindəki yüksək qida lifi sayəsində bağırsaq hərəkətlərini tənzimləyir, qəbizliyin qarşısını alır və həzm sisteminin sağlamlığını qoruyur.
- Kompleks karbohidratlarla zəngin olduğu üçün şəkərin qana yavaş-yavaş keçməsini təmin edir. Bu, xüsusilə şəkər xəstələri üçün faydalıdır və insulin müqavimətini azaldır.
- Mərci xolesterolu aşağı salmağa kömək edən lif və kalium ehtiva edir. Bu da qan təzyiqini tənzimləyir, ürək ritmini sabit saxlayır və infarkt riskini azaldır.
- Aşağı kalorili və uzun müddət tox tutan bir qidadır. Yeməklərə mərci əlavə etmək aclıq hissini azaldır və çəki nəzarətini asanlaşdırır.
- Fol turşusu tərkibi sayəsində dölün sağlam inkişafı üçün faydalıdır. Neyral boru qüsurlarının (sinir sisteminə bağlı doğuş qüsurlarının) qarşısını almağa kömək edir.
- Zülal baxımından zəngin olduğu üçün vegeterian və ya ətsiz qidalanan şəxslər üçün ətə alternativ sayılır. Hüceyrə bərpası və əzələ inkişafına müsbət təsir edir.