Türk inanc sistemində ağac əbədilik rəmzi hesab edilirdi. Ağacın payız fəslində yarpaqlarını töküb soyunması (bir növ, ölməsi), yaz fəslində isə yenidən yaşıllaşması (dirilməsi) mistik məna ifaİnanc Yaddaşı də edirdi. Türklərdə və türklərin təsiri ilə dünyanın başqa xalqlarında dövlət rəmzi olan bayraq simvolu da ağacla bağlı inamdan yaranmışdır.
Əbədilik rəmzi olan ağacla bağlı tarixi bir fakt Qarabağ haqqında olub, Çin mənbələrində qeyd edilir. Türk inanc sistemində ağac, daha geniş mənada, meşə ilanın və ya əjdahanın cəsədindən yaranmışdır. Bir qolu e.ə XVI əsrdə Mil və Muğan düzənliyinə gəlib yerləşmiş və eramızın III-IV əsrlərinə qədər burada yaşamış, əsas kütləsi isə Şimali Çində məskun olan Hiyen-bi (kas-pi) xalqı ilanın cəsədindən yaranmış meşənin ətrafında at çaparaq ayin keçirirdilər. Meşə olmayınca, bir yerə "qara ağac" əkərək orada meşə salırdılar. Qədim türk inancında "qara bağlar" (qara meşələr) belə yaranmışdı və bu meşələr müqəddəs hesab olunurdu. Belə meşələr böyük xanlar və hökmdarların dəfn olunduğu yerlərdə salınırdı. Qarabağ olaraq adlanan həmin yerlər müqəddəs meşələr və qoruq əraziləri idi. Bu meşələrə girilməsi, zərər verilməsi və ov edilməsi qadağan idi.
Əkbər Nəcəf, İnanc Yaddaşı səh 257
Teref.az