Ədalət...
İslamın dilindən düşməyən kəlmə.
Quranda yazılıb, hədislərdə çəkilib, minbərlərdə qışqırılıb.
Amma bir sual qalıb havada:
Ədalətdən danışan bir peyğəmbər necə olur ki ölkələri işğal edir?
Əgər bu din sülh gətirirdisə, niyə qılıncla yayıldı?
Niyə yəhudi kəndləri basıldı?
Niyə qadınlar ərə verildi, uşaqlar əsir alındı, bəziləri cariyə kimi bölüşdürüldü?
Bunun cavabını Quranda axtarsan, bu ayə çıxır:
“Onlarla döyüşün ki, fitnə (küfr) aradan qalxsın və din ancaq Allaha məxsus olsun.”
(Bəqərə, 2:193)
Yəni başqa inam varsa, döyüş davam etməlidir.
Bəs bu hansı ədalətdir?
Yəhudilərə və xristianlara qarşı belə deyilir:
“Kitab əhli ilə döyüşün… ta ki, zəlil olub cizyə verənədək.”
(Tövbə, 9:29)
Yəni ya təslim ol, ya vergi ver, ya da ölməyə hazır ol.
Əgər bu azadlıqdırsa, qövs haradadır?
Əgər Peyğəmbər ədalətli idisə,
nə üçün 9 yaşlı qızla evləndi,
kölələri saxladı,
və hətta müharibə qəniməti olan qadınlarla münasibət qurdu?
Quranda deyilir:
“Əllərinizin malik olduqları (cariyələr) sizə halaldır.”
(Nisa, 4:24)
Bu nə deməkdir? Müharibədə ələ keçirilmiş qadın – sənin halaldır?
Razılığı soruşan varmı?
Səhih Müslimdə belə bir rəvayət var:
Döyüşdən sonra əsir qadınlar gətirildi. Onların ərli olub-olmaması səhabələri düşündürdü. Və bu zaman “Əllərinizin malik olduqları sizə halaldır” ayəsi nazil oldu.
(Müslim, 1456)
Xeybər döyüşündən sonra yəhudi kişilər kütləvi şəkildə öldürülür, qadın və uşaqlar cariyə və kölə kimi götürülür.
Safiyyə bint Huyay adlı qadın — ərini öldürən ordu tərəfindən Muhəmmədə verilir.
(Buxari, 371)
Bu ədalət deyil. Bu, zorun qanunlaşdırılmasıdır.
Və sonda bu:
"Kim dinindən dönərsə, onu öldürün."
(Buxari, 3017)
Bu açıq və birmənalıdır. İnanmayan öldürülür.
Əgər Allah doğrudan da ədalətlidirsə,
nə üçün bu qədər zorakılıq Onun adı ilə törədildi?
Əgər din “Dində zorlama yoxdur” deyirsə (Bəqərə, 256),
niyə dindən çıxan öldürülür?
Əgər bir dinin əsasını ədalət təşkil edirsə,
niyə 1400 ildir müsəlmanlar ədalət axtarır?
Bəlkə də problem ədalətdə deyil, ədalət adı ilə gizlədilən sistemdədir.
Bəlkə də bizə verilən Tanrı obrazı,
bizə əzilmiş, susdurulmuş, itaətkar kütlə yaratmaq üçün yaradılmış bir obrazdır.
Və indi sual budur:
Biz Tanrını sorğulaya bilərikmi?
Yoxsa yalnız itaət etməliyik?
Əgər bu ədalətdirsə, bizə vicdan niyə verildi?
Sorğulamaq
TEREF