Teref.az yazır ki, məşhue araşdırmaçı jurnalist Cavanşir Həsənli YAP-ın namizədlər siyahısını araşdıraraq maraqlı məqamlara toxunub. Cavanşir bəyin araşdırmasını təqdim edirik:
YAP namizədlər siyahısına bəribaşdan bir quş.
Siyahıdakı "yeni simalar"la tanış olmağa başlamışam. Bəzilərini arxivdən çıxarıblar. Məsələn, 29 saylı Səbayel seçki dairəsindən namizədliyi irəli sürülmüş Xatirə Cabbarova 2015-ci ildə də YAP-ın siyahısında idi. Salahzadə Əliabbası da bilirsiniz, iyirmi neçənci həcc rekordunu qırmış keçmiş deputat Hacı Qalibin icra hakimiyyətində işləmiş oğludur. Bakı Tikiş Fabriki ASC-nin 2010-cu ildə YAP-ın siyahısında yer almış sədri Fidail Rəhimovun oğlu Elnur Rəhimov 10 il sonra atasını əvəz edir.
Bir iş adamı da var, bu yaxınlarda onun Hacıbala Abutallbovun qardaşı oğlu ilə İstanbulda şərikli biznesi haqqında dəyərli həmkarım Hafiz Babalı yazmışdı.
Məşhur Minera şirkətlər qrupunun sahibidir, özünü Xudu Rzayev kimi təqdim edir. Amma siyahıda adı Xudaqulu Rzayev Əhəd oğlu kimi göstərilib.
1996-cı ildə İlandağ-SA şirkətini təsis edib, daha sonra “Baytaş-Bakı”, Qaranti İnşaat, “Dəniz” Bağça və 2011-ci ildə “Evrika” liseyi müəssisələrini təsis edib.
2012-ci ildə şirkətlərini “Minera” şirkətlər qrupu adı altında bir araya gətirib.
Konkret bu şəxsin timsalında vasib sual nədir? Deyək ki, seçildi, adam bir mandata gorə o qədər biznesini buraxacaqmı?
Cavabı bəlli sualdır.