Azərbaycanlı tələbə İnci Allahverdiyeva həmvətənlilərinə müraciətində xaricdə təhsil xərclərini qarşılamaqda çətinliklərlə üzləşdiyini və təhsil haqqını ödəmək üçün 5000 dollar vəsaitə ehtiyacı olduğunu qeyd edir.
teref.az moderator.az-a istinadən İnci Allahverdiyevanın müraciətini oxuculara təqdim edir:

“Mən, İnci Allahverdiya Bakı şəhərində dünyaya gəlmişəm. Arzularımı həyata keçirmək üçün Avstraliyanın Sidney şəhərində təhsil almağa qərar verdim. Sidney Texnologiya Universitetinin xarici dillə bağlı qəbul şərtlərini qarşılamaq üçün gecə-gündüz hazırlaşdım və “Maliyyə menecmenti” üzrə magistratura proqramına qəbul oldum.
Mən Azərbaycan Dövlət İqtisad Universitetini yüksək akademik göstəricilərlə bitirmişəm. Mənim çalışqan və məqsədyönlü olmağım həyatda əldə etdiyim digər uğurlarda da öz əksini tapır. Erkən yaşlarımdan rəsm çəkməyi bir xobbi kimi öyrənmişəm. İngilis, rus və türk dillərindən əlavə işarə dilini də mənimsəmişəm. ADİU-ya 615 balla qəbul olunmuşam. Universitet illərində Azər-Türk Bankda yay praktikası keçmişəm.
Bu il xaricdə təhsil üzrə Dövlət proqramına müraciət elədim, ancaq seçilmədim. Sonra Sidney Universitetinə təhsil haqqında güzəşt edilməsi üçün müraciət elədim. Onlar təhsil haqqında 5000 dollar güzəşt elədilər. Mən təhsil haqqını ödəmək üçün bir qədər pul toplamışam. Ancaq hələ də 5000 dollar kəsir var. Tam ödənişi etmək üçün bir ay vaxt verilib.
Mən inanıram ki, ambisiyalı insanlara bir şans veriləndə, onlar böyük nailiyyətlər əldə etməyə can atırlar. Arzularımı həyata keçirmək üçün insanların xeyirxahlıq göstərəcəyinə inanıram. Söz verirəm ki, təhsilimi başa vurduqdan sonra mən də başqa insanların arzularına çatmasında dəstək olacam.
Mənə ianə etdiyiniz hər dollara görə sizə minnətdaram.”
Qeyd edək ki, İnciyə dəstək olmaq üçün aşağıdakı linkə daxil olub ödəniş kartı ilə istədiyiniz miqdarda ianə edə bilərsiniz.

www.gofundme.com/inji_ada