ABŞ Prezidenti Donald Tramp immiqrasiyanın Avropa üçün ciddi təhlükə yaratdığını bildirib.
Globalinfo.az xəbər verir ki, o, jurnalistlərlə söhbəti zamanı bu məsələnin qlobal miqyasda təhlükəli hala gəldiyini vurğulayıb.

“Biz immiqrasiyanı dayandırmalıyıq, əks halda Avropa qalmayacaq. İmmiqrasiya hazırda Avropanı öldürür”, – deyə Tramp sərt şəkildə bəyan edib.

Amerika lideri əlavə edib ki, Avropa ölkələri vaxtilə Ukraynaya ABŞ-dan silah tədarükünə görə ödəniş etməli idilər, lakin yalnız indi bu öhdəlikləri yerinə yetirməyə başlayıblar.

Tramp həmçinin Avropa İttifaqı ilə imzalanmış sazişə toxunaraq bildirib ki, Brüssel ABŞ-a göndərilən hərbi texnikanın dəyərinin 100 faizini kompensasiya etməlidir.