“Bura gələndə demək olar ki, hər görüş belə sözlərlə bitirdi: ‘Bir gün biz Şuşada görüşəcəyik’. Bu gün isə, Qarabağın azadlığı sayəsində, hər bir azərbaycanlı yenidən Qarabağ torpağında – Şuşadan Laçına qədər – sərbəst addımlaya bilir”, – deyə Bakıdakı diplomatik missiyasını başa vuran Corc Dik xatırlayır.
Diplomat vurğulayıb ki, Şuşanı ziyarət edən ilk israilli səfir olmaq onun üçün böyük şərəfdir.
“Azərbaycanı bu tarixi nailiyyət münasibətilə təbrik edirəm. İsrail Azərbaycanın ərazi bütövlüyünü tam və sarsılmaz şəkildə dəstəkləyən azsaylı ölkələrdən biri oldu – təkcə sözlə yox, əməli şəkildə də. Mən raketlər yağarkən Gəncədə dayanmışdım”, – deyə səfir bildirib.
Dik həmçinin 7 oktyabr hadisələrindən sonra Azərbaycanın İsrailə göstərdiyi həmrəyliyi də qeyd edib — o zaman azərbaycanlılar İsrail səfirliyinə gül və şamlar gətirmişdilər.
Джавид Дамирли
TEREF